|
Шунинг учун Аллоҳ яҳудларнинг Иброҳим яҳудий бўлган, деган гапларига ҳам, насронийларнинг Иброҳим насроний бўлган, деган гапларига ҳам раддия билдириб, шундай деган:
مَا كَانَ إِبْرَاهِيمُ يَهُودِيّاً وَلاَ نَصْرَانِيّاً وَلَكِن كَانَ حَنِيفاً مُّسْلِماً وَمَا كَانَ مِنَ الْمُشْرِكِينَ
– „Иброҳим яҳудий ҳам, насроний ҳам эмас, балки ҳақ йўлдан тоймаган ҳолида (Аллоҳга) итоат қилгувчи киши бўлган. У мушриклардан ҳам бўлмаган“. [3:67]
Шунингдек, Аллоҳ уларни олдинги оятда ҳам рад этганди.
وَمَن يَرْغَبُ عَن مِّلَّةِ إِبْرَاهِيمَ إِلاَّ مَن سَفِهَ نَفْسَهُ
(Иброҳимнинг динидан фақат енгилтакларгина юз ўгирадилар). Яҳуд ва насоролар Иброҳимнинг дини тоза Ислом бўлишини исташмас эди. Шунинг учун у яҳудий ёки насроний бўлган, дейишарди.
Аллоҳ Таоло уларнинг Таврот ва Инжил ундан кейин нозил бўлган, деган даъволарини ҳам рад этди.
يَا أَهْلَ الْكِتَابِ لِمَ تُحَآجُّونَ فِي إِبْرَاهِيمَ وَمَا أُنزِلَتِ التَّورَاةُ وَالإنجِيلُ إِلاَّ مِن بَعْدِهِ أَفَلاَ تَعْقِلُونَ
– „Эй аҳли китоб, нима учун Иброҳим хусусида (у бизнинг динимизда бўлган, деб) талашасизлар! Ахир Таврот ҳам, Инжил ҳам ундан кейин нозил бўлгани аниқ-ку?! Ақл юргизмайсизларми?!“. [3:65]
Иброҳим дини ҳақида
Пайғамбарлар ва уларга эргашганлар луғавий маъно жиҳатидан мусулмон бўлишган яъни, Аллоҳга бўйсунишган. Лекин шаръий маънодаги Ислом пайғамбаримиз Муҳаммад с.а.в.га туширилган. Ислом ақидаси мукаммал ақида бўлиб, унда олдинги пайғамбарларнинг ақидалари ҳам мужассамдир. Ислом шариати ҳам мукаммал шариат бўлиб, олдинги пайғамбарларнинг шариатларини насх этади.
Муҳаммад с.а.в. пайғамбар бўлиб юборилганларидан кейин даъват фақат ва фақат Исломга қаратилди.
إِنَّ الدِّينَ عِندَ اللّهِ الإِسْلاَمُ
– „Албатта Аллоҳ наздида мақбул бўладиган дин фақат Ислом динидир“. [3:19]
وَمَن يَبْتَغِ غَيْرَ الإِسْلاَمِ دِيناً فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ
– „Кимда-ким Исломдан ўзга дин истаса, бас (унинг «дини» Аллоҳ ҳузурида) ҳаргиз қабул қилинмайди ва у охиратда зиён кўргувчилардандир“. [3:85]
16-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208